#Manda - గంజి

#Manda - గంజి - kaanji

#MANDA -#గంజి:

Manda-బియ్యపు గంజి:

పథ్యం అని ఆయుర్వేద వైద్యులు రోగికి ఉన్న జీర్ణశక్తి ని బట్టి,వారికి ఉన్న రోగంని బట్టి ప్రత్యేకంగా వివరించడం జరుగుతుంది. 

ఆయుర్వేదంలో పథ్య - అపథ్యలు ముఖ్యపాత్రను పోషిస్తాయి. #స్వస్థవృత్తంలో, #దినచర్య మరియు #ఋతుచర్యల్లో వీటిని గురించి వివరాలు ఉన్నాయి. 

శరీర శ్రోతస్సులకి హాని లేకుండా, శరీరానికి మేలుచేసే  ఆహారాన్ని "#పథ్యం" అంటాము. ఇది ఆరోగ్యవంతులకి, రోగగ్రస్తులకి పాటించాల్సిన క్రియ. 

ఇందులో మండా, పేయ, విలేపి, యావగు అనే రకాలుగా వివరణ ఉంటుంది. 

ఇక్కడి మన విషయం గంజి గురించి....

* మండా అంటే వాడుక భాషలో గంజి. బియ్యం ఒకటికి 14 వంతులు నీళ్లు కలిపి అన్నం మెత్తగా ఉడికే వరకు ఉంచి, ఆ  తర్వాత పైన ఉన్న నీటిని మనం మండా లేదా గంజి అంటాము. 

* సులువుగా, అందరికి అందుబాటులో, తక్కువ ఖర్చుతో వుండే ఈ గంజి ఔషధంలా పనిచేస్తుందని చాలామందికి తెలియదు.

* ఇది లఘు, శీతవీర్యం ఉంటుంది.అగ్ని దీపనం, పాచనం, వాతాన్ని తగ్గించే గుణం, గ్రాహి వంటి గుణాలవల్ల జీర్ణవ్యవస్థను ఆరోగ్యాంగా ఉంచుతుంది. దప్పిక, ఆకలిని తగ్గించడంలో తోడ్పడుతుంది.దేహపుష్టి ఇస్తుంది.

* జ్వరం, నీళ్ళవిరేచనాలు, వాంతులు అయిన తరువాత, ఉపవాసం తరువాత, చాలా శ్రమ చేసాక గంజి అమృతంలా పనిచేస్తుంది. 

* ఆయుర్వేద పంచకర్మలో గంజి కి ముఖ్యపాత్ర వుంది.ఇది వ్యాధిని బట్టి రకరకాలుగా చేసుకొని తీసుకోవచ్చు.

**ఉదా:గంజి లో పుదీనా, జీలకర్ర వంటివి కలిపి తాగడం వల్ల మూత్రo సాఫీగా ఉంటుంది.

**మరమరాలు తో గంజి వలన జ్వరం, అతిసారం లో  ఉపశమనం ఉంటుంది.

**గోధుమలు, బార్లీ తో గంజి కూడా రక్తంపెంచడంతో పాటు, పైన చెప్పిన సమస్యల్లో ఉపయోగపడుతుంది.

**పెసరపప్పు, బియ్యం, త్రికటు, సైన్ధవలవణం  కలిపి చేసిన గంజి త్రిదోషహారంగా పనిచేస్తుంది. 

* ఇప్పుడు  ఉన్న CORONA వైరస్ ప్రభావం వలన మన దినచర్య లో ఇటువంటి సులువుగా జీర్ణమయ్యే  గంజి వంటివి ఉపయోగిస్తూ ఉంటే, Body Metabolism సరిగ్గా జరిగి, వ్యాధినిరోధక శక్తి పెరగడంలో సహాయపడుతుంది. 

* అంతేకాదు ఇప్పుడు #CORONA వ్యాప్తి వేగంగా ఉండటం వలన, హోమ్ క్వారంటైన్లో వుంటున్నారు. అటువంటి వాళ్ళు గంజి ని, త్రికటు లేదా  మిరియాల పొడితో తీసుకోవడం వలన కఫ గుణం తగ్గి, శరీరానికి తేలికదనం ఇస్తుంది. 

* చిన్నపిల్లల్లో ఉండే పొట్ట సమస్యలు, అజీర్ణం, కడుపు బిగ్గరగా ఉండటం, సరిగా జీర్ణశక్తి లేని పిల్లల్లో గంజిని కొద్ది  జీలకర్ర పొడితో పలుచగా చేసి తాపడం వలన దేహపుష్టి, బలం ని ఇస్తుంది.

* ఆరోగ్యవంతుల్లో కూడా గంజి దినచర్యలో వాడటం వల్ల ఆహారం మీద మక్కువ పెంచి, మనసుకి కూడా ఆహ్లాదాన్ని ఇచ్చి పంచభౌతిక శరీరాన్ని సరిగ్గా నిర్వహిస్తుంది.

సర్వేజనా సుఖినోభవంతు....

Dr.K.V.మాలతి BAMS

శ్రీ చతుర్వేద ఆయుర్వేదాలయం 

శంషాబాద్.