Yastimadhu-అతిమధురం

 

 Yastimadhu-అతిమధురం 

ఓమ్ ధన్వంతరే నమః

యష్టిమధు - అతిమధురం 

Glycyrrhiza glarba, లికోరైస్, ములేఠి, అతిమధురం అని పేరు  ఉన్న ఈ ఔషధమొక్క వేరు చూర్ణం, కషాయం తియ్యగా ఉంటుందని ఈ నామం. 

యష్టిమధు వేరు చూర్ణం చాలా రకాల ఆయుర్వేద ఔషదమందుల్లో వాడుతారు. 

మధుర రసం, స్నిగ్ధ గురు గుణం, శీత వీర్యం కలిగి ఉన్న ఈ మొక్క వేరుచూర్ణం మేహశాంతి అంటే మూత్రం ఇబ్బంది లేకుండా ఉండటంలో, పిత్త వాత సమస్యల్లో, చర్మ సమస్యల్లో చాలా లాభకారిగా ఉంటుంది. 

అంతేకాకుండా కడుపులోని అల్సర్ కి చాలా వరకు తగ్గిస్తుంది.కడుపులో మంట, తలతిప్పడం, శరీరంలో వేడి, వాంతి లక్షణాలు తగ్గిస్తుంది.

* యష్టిమధు లో  ఉండే Anti inflammatory గుణం వల్ల ఊపిరితిత్తుల సమస్యలు -పొడి దగ్గు, ఉబ్బసం, శ్వాసనాల inflamation,  

అలాగే పేగుల్లో,మూత్రనాళాల్లో వచ్చే ఇన్ఫెక్షన్స్ ను తగ్గించడంలో సహాయపడుతుంది.

 

* ఇందులో ఉండే  antioxidants  రోగనిరోధక శక్తి పెరగడంలో సహాయపడుతుంది.

* ఇందులో వుండే   స్పాస్మోలైటిక్ గుణం వల్ల విరేచనాకారిగా ఉండి, పేగుల్లోని మ్యూకస్ పొరకి మేలు చేస్తుంది.

* యష్టిమధులో ఉండే ఆంటీ స్పాస్మోడిక్ యాక్షన్ వల్లన ఋతుక్రమంలో వుండే కడుపునొప్పి, అలసట తగ్గడానికి సహాయపడుతుంది.

* యష్టిమధు వేరు చూర్ణం అల్లంతో కలిపి వాడటం వల్ల దగ్గు లో ఉపశమనం ఉంటుంది.

* వేడిగా ఉన్న వేరు కషాయం టీ లాగా తీసుకోవడంలో ఋతుక్రమ కడుపునొప్పి తగ్గుతుంది.

* యష్టిమధు లేపనంలా, లేదా  పై పూతగా వాడితే దీర్ఘకాలిక చర్మ సమస్యలు, పుండ్లు, నల్లమచ్చల్లో చాలా ఫలితం ఉంటుంది.

* యష్టిమధు నియమిత సమయం వరకు వాడాలి.BP, గర్భవతులు, పాలిచ్చే తల్లులు ఆయుర్వేద వైద్య నిపుణుల సలహా మేరకు మాత్రమే ఉపయోగించాలి.

> ఇప్పుడు ఉన్న CORONA వైరస్ కాలంలో ఈ యష్టిమధు గుడూచి కలిపి కషాయంలా తీసుకోవాలి.

> అలాగే యష్టిమధు కషాయం తో నోటిని పుక్కిలించడం వలన నోరు పొడి గా ఉండకుండా ఉంటుంది.

 > యష్టిమధు చూర్ణం త్రికటు చూర్ణం+తేనె తో కలిపి చప్పరించడం  వల్ల పొడిదగ్గు లో లాభం పొందవచ్చు.

సర్వేజనా సుఖినోభవంతు...

Dr.K.V.మాలతి  BAMS

శ్రీ చతుర్వేద ఆయుర్వేదాలయం 

శంషాబాద్.