Mouth Gargling:

Mouth Gargling-కవళం:

ఆయుర్వేద గ్రంథాలు అయిన  అష్టాంగ హృదయం, చరక మరియు శుశ్రుత సంహితాల్లో ఈ కవళం గురించి ప్రత్యేక సందర్భాల్లో వివరించారు.

గండూషము-అంటే నోటిలో ద్రవం ఉంచుకొని నియమిత సమయం వరకు కదపకుండా ఉంచడం.

కవళం-అంటే నోట్లో ద్రవం ఉంచి సాధ్యమైనన్ని సార్లు కదిలించడం అంటే పుక్కిలించడం. 

ఇది ప్రతిరోజు మనం చేసే ప్రక్రియే అయితే ఈ కరోనా కాలంలో ఎంతో సహాయపడే విధానం గురించి ఈ వివరణ. 

ఆయుర్వేదంలో కవళం 4రకాలుగా చెప్పడం జరిగింది. 

1.స్నేహిక-మృదుత్వం, దోష హారం కొరకు 

2.శమన -కఫ వాత లక్షణాలను బట్టి 

3.శోధన -శుభ్రంగా ఉండటానికి 

4.రోపణ-నోటిలోని పుండ్లు తగ్గడం కొరకు etc 

కరోనా వైరస్ నుండి కాపాడుకోవడానికి, రాకుండా ఉండటానికి మనకి రెండు రకాలు ఉపయోగపడతాయి అవి : 

శోధన:బయటకి వెళ్లొచ్చిన తర్వాత, ఉదయం, ఎవరైతే కరోనా వ్యాధిగ్రస్థులో, అటువంటి వాళ్ళు శోధన కవళం చేయాలి.ఉప్పు నీళ్లు, గోరువెచ్చని నీళ్లు, ఆమ్లకి, యష్టిమధు, త్రిఫల వంటి కాషాయలతో నోటిని శుభ్రం చేసుకోవాలి.

స్నేహిక:నోటిని శుబ్రపరిచాక oil pulling  చేయాలి.గోరు వెచ్చని నువ్వుల నూనె, కొబ్బరి నూనె వంటివి వాడవచ్చు.దీనివల్ల నోటి లోని మ్యూకస్ స్నిగ్ధంగా మారి, కరోనా యొక్క ప్రోటీన్ లేయర్ తో కలవకుండా సహాయ పడుతుంది అని ఒక పరిశోధనలో  వెల్లడైంది.

Oil pulling వల్ల పళ్లలో పాచు పట్టకుండా ఆరోగ్యమైన నోటికుహరం ఏర్పడుతుంది.దీనివల్ల మైక్రోఆర్గనిసమ్స్ యొక్క కౌంట్ కూడా తగ్గుతుంది.

అంతేకాదు  covid19 లో వచ్చే మొదటి లక్షణం పొడిదగ్గులో కూడా ఉపశమనం ఇస్తుంది.

ప్రతిరోజు దినచర్యలో oilpulling భాగంగా చేస్తూ ఉంటే 

>దవడ మరియు ముఖం యొక్క కండరాలు బలంగా ఉంటాయి.

>దంత మరియు చిగుళ్లు సమస్యలు లేకుండా ఆరోగ్యాంగా ఉంటాయి.

>నోటికి రుచిని కలిగించి, ఆకలిని కూడా పెంచుతుంది.

కరోనా వ్యాధిగ్రస్థులు రెండుగంటలకు ఒకసారి oilpulling  3 నుండి 5నిముషాలు వరకు చేసినా  ఉపశమనం ఉంటుంది.

సర్వేజనా సుఖినోభవంతు...

Dr.K.V.మాలతి BAMS

శ్రీ చతుర్వేద ఆయుర్వేదాలయం

శంషాబాద్.